Lokalisert i Undredal, 12 km frå Flåm. Frå avkøyringa på E16 på Langhuso er det 6 km ned til Undredal sentrum.

Eldhuset er eit visningssenter for Undredalsosten, med mogningskjellar for kvit geitost og presentasjonslokale for eldhus- og stølstradisjonane. Tilbyr omvisningsprogram og smaksmenyar med hovudvekt på geitosten, og lunsj og middag i samarbeid med Osteklokka kafé. Eldhuset har god plass for gruppeservering, og kan skipa til kveldsete for grupper med servering, underhaldning, musikk og dans. Sommarscene med konsertar og bryggjedans. Frå sesongen 2008 vert det tilbod for einskildpersonar til faste tider. Gruppetilbod må tingast på førehand.

Standardpakka i Eldhuset inneheld eit underhaldningsprogram med forteljing om tradisjonane med stølsdrift, ysting av geitost og mogning av kvit geitost. Til dette føl ein smaksmeny av kvit og brun geitost, spekepølse, rømme, moltesyltetøy og heimebakt flatbrød. Til drikke serverast lokal fruktsaft eller alkoholfri sider. Andre drikkevarer kan kjøpast individuelt. Opplegget som varar 45 – 60 min kostar kr 145,- pr. vaksen person, born halv pris, under 8 år gratis.

Osteklokka Kafé er lokalisert i nærleiken av Eldhuset, og tilbyr småmat, lunsj og middag basert på lokale mattradisjonar.

Tilbod Eldhuset

Produkt	Visningssenter for Undredalsosten, Sommarscene
Sal	Kvit og brun geitost, spekemat og anna tradisjonsmat i Eldhuset og frå butikken Underdalsbui
Tenester	Visningslokale og program om lokale tradisjonar, servering og kveldsarrangement for grupper. Konsertar og bryggjedansar.

Tilbod Osteklokka Kafé

Produkt	Kafé med servering inne og ute på bryggja i Undredal. Servering Småmat, lunsj og middag i sommarhalvåret
Sal	Geitost og spekepølse av lokalt geitekjøt
Tenester	Overnatting i rom eller leilegheiter

 

Kontaktinformasjon

Adresse	5746 Undredal
Eigarar	Opplev Undredal AS
Tlf	57 63 31 00
Epost	visit@undredal.no
Heimesider	www.undredal.no