På garden vert det drive tradisjonell gardsdrift med sau som hovudnæring, og med osteproduksjon som viktig tilleggsnæring. Gardane i Skjerdal har tradisjonelt livberga seg gjennom geite- og sauehald. For fire år sidan slutta vi med geiter, og satsa på sauehald kombinert med anna arbeid i tillegg. Pr. i dag har vi omlag 75 vinterfora sauer. Garden vår er eit typisk brattlent vestlandsbruk der utmark og fjell har vore, og er, viktige ressursar i drifta.
På garden bur det i dag familiemedlemar frå fire generasjonar. I alle år har ysting og produksjon av ekte geitost vore ein del av inntektsgrunnlaget. Osten vart selt til kundar over store deler av landet. I tillegg vart den omsett gjennom lokal butikk, og gjennom direktesal frå garden. Då vi slutta med geitehald i 2003 var det interesse for å halda ystetradisjonen vedlike. Utan eige råstoff vert dette løyst ved at vi kjøper att geitemjølk hjå lokale bønder. Det vart bygd nytt ysteri, og produksjonen er godkjend av Mattilsynet.
Produkt | Sal av lam/sau til slakteri. Osteproduksjon i eigne godkjende lokale. |
Sal | Omsetjing av ost føregår gjennom lokal butikk (O. Skjerdal & Co), og gjennom direktesal frå garden. Ein del ost vert omsett på lokale marknadar. |
Adresse | Skjerdal, 5745 Aurland |
Eigarar | Trygve, Borgny og Birger Skjerdal |
Tlf | Borgny og Birger Skjerdal 57 63 34 66 Trygve Skjerdal 57 63 36 17 / 975 26 883 |
Epost | trygve.skjerdal@privat.alb.no |